A imaxe tan típica na praza do Obradoiro de peregrinos e turistas aproveitando os piares do pazo de Raxoi para sentar está abocada a desaparecer. Desde este mércores, uns carteis instalados no interior dos soportais informan da prohibición de sentar ou apoiarse nas columnas, e una cámara controla o cumprimento.

A medida responde á preocupación dos responsables de patrimonio pola erosión e o desgaste que este costume ven producindo na pedra das columnas. A prohibición deixará aos peregrinos sen un dos lugares preferidos para descansar tras completar o Camiño contemplando a fachada da Catedral e protexidos nos días de chuvia.

Haberá que agardar un tempo para comprobar se a prohibición consegue acabar con este costume tan arraigado.