CRTVG

Buscar

Telexornal Serán

Preséntanse na Coruña as novas técnicas para editar a secuencia do xenoma

Publicado o 15/05/2018 21:19


175.000 galegos padecen algunha enfermidade rara, unha cifra que alcanza os tres millóns de persoas en toda España. Os científicos cren que estes enfermos poderían ver moi mellorada a súa calidade de vida, senón a súa cura, coas novas técnicas que se están a desenvolver e que permiten alterar a secuencia do ADN e corrixir os xenomas que non funcionan correctamente.

Estas novas tecnoloxias chamadas CRISPR trátase dunha técnica de edición do ADN e que xurdiron hai cinco anos en España. Permiten localizar os xenes que non están funcionando correctamente e modificalos. Polo momento só se poderían utilizar en persoas adultas.

"En persoas por exemplo que están afectadas por algunha das miles de enfermidades raras. En España coñecemos que hai uns tres millóns de persoas afectadas con algunha enfermidade rara que non teñen ningun tipo de cura e agora grazas a estas tecnoloxías podemos desenvolver este tipo de terapias", afirma Lluis Montoliu.

Esta técnica está aínda na fase de laboratorio, pero os investigadores agardan que en pouco tempo podan estar o suficientemente desenvolvidas para podelas aplicar en seres humanos.

"Non imos dar o salto á clínica ata que non esteamos seguros que os beneficios compensan os riscos. Ainda as ferramentas non as controlamos totalmente, co cal queremos garantixzar que cando modifiquemos o xenoma soamente ou a maioría das veces obteñamos a secuencia correcta", di Lluis Montoliu.

Estes investigadores aseguran que estas técnicas de edición xenética están chamadas a revolucionar a bioloxía, a biotecnoloxía e a biomedicina.
Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Telexornal Serán

15/05/2018