Os que aínda seguen con restricións son os hostaleiros de Viveiro, que ata o sábado só poden servir nas terrazas. Hoxe volveron protestar na capital da Mariña luguesa para criticar estas limitacións. E fixérono con varias accións simbólicas para denunciar que a hostalería se sente sinalada inxustamente: romperon pratos, puxeron á venda mobiliario e mesmo tenderon roupa interior en plena rúa.