En Ourense, a candidata á presidencia da Xunta polo BNG reuniuse con familiares de persoas maiores en residencias que estiveron afectadas pola covid-19. 

Ana Pontón comprometeuse a abrir unha investigación para tratar de aclarar por que as residencias concentraron case a metade das mortes polo virus en Galicia.

A candidata nacionalista tamén insistiu na necesidade de fortalecer a rede pública de servizos sociais, aumentando os recursos destinados ao coidado dos maiores.