Turquía segue a loitar contra o lume, mais tamén contra a auga. As inundacións no norte do pais provocaron a morte de catro persoas e outra está desaparecida. Nas rexións do mar Negro caeron máis de 200 litros por metro cadrado.

As riadas destruíron casas, estradas e dúas pontes. Centos de persoas quedaron illadas e máis de seiscentas tiveron que ser rescatadas.

As predicións anuncian que esta tarde poden volver caer ata 100 litros por metro cadrado.