Polo menos dez mortos nun tiroteo en Colorado
Publicado o 23/03/2021 08:29

Un tiroteo indiscriminado nos Estados Unidos deixa polo menos dez persoas mortas. Sucedeu este luns nunha zona residencial da localidade universitaria de Boulder, en Colorado.
Un home armado empezou a disparar de repente e sen mediar palabra nun supermercado. A policía detivo o pistoleiro, pero descoñécese o motivo da súa acción.