O Concello de Vigo dá un paso máis na preparación do Nadal. Abel Caballero asegurou que conta con que a situación sanitaria sexa boa e poder recibir milleiros de visitantes.

Por iso despregará actividades e atraccións por toda a cidade. Pistas e ramplas de xeo, noria xigante, mercados de Nadal e trens turísticos son só algunhas das propostas.

Esta mesma semana publicarán as bases do concurso destas instalacións. Iso si, Caballero xa anunciou que haberá sorpresas.