Veciños de Ribeira coinciden en sinalar que a actitude das persoas que ocupan un edificio lles está a ocasionar molestias polas leas entre eles, pero tamén polo trato a viandantes. O vendedor da once relata o intento de agresión que sufriu este luns cando volvía para a súa casa coa compra do súper.

Segundo os veciños sucede isto despois de meses con problemas acotío.

Os veciños teñen falado co Concello e piden que interveña sen máis demora para desaloxar o inmoble, propiedade dun banco.

Nas dúas entradas do inmoble ocupado hai agora dúas inscricións en xiz advertindo de que está prohibida a entrada sen orde xudicial.