En Galicia, a pesca do 'black bass' ou perca americana non está moi estendida. Trátase dunha expecie invasora, de aparencia semellante á troita, que foi introducida nos nosos encoros. En Nogueria de Ramuín, un dos pescadores que practica sobre todo a pesca sen morte desta especie capturou un exemplar de tres quilos. Un peixe case de récord.

​José Benito pouco podía sospeitar que unha mañá de pesca se ía converter en todo un acontecemento. Foi a un dos seus recunchos favoritos do encoro de Santo Estevo na ribeira do Sil e alí estaba, como agardando por el, unha cobizada peza de tres quilos.

José Benito Fernández, pescador: "Foi unha experiencia bonita. Eu collino aquí unha mañá, xa o vin por riba da auga. Boteille e non picaba e fun detrás del e vino nunhas ramallas e volvín botarlle e xa foi para abaixo".

Non é a primeira peza grande que saca da auga. Asegura que no seu haber ten unha troita de 9 quilos e espera seguir batendo marcas. O 'black bass' é unha especie invasora e o máis grande pescado en España foi de 4 quilos. Esta especie da familia do salmón é moi agresiva, polo que os pescadores gozan moito das súas capturas. Non é fácil de levar para terra.

José Benito Fernández, pescador: "Neste encoro que poidan superar este pode haber exemplares, pero é difícil. Este en concreto pesaba tres quilos e cinco gramos. É moi voraz, é un peixe moi voraz. Ti bótaslle e vai picar rapidísimo".

Ademais de coñecer a zona e ter o material axeitado, para facer unha captura deste tamaño hai que ter moita maña.