Viven a poucos minutos do mar, pero levaban moitos meses sen velo. Laura, Raquel, Gonzalo e Isaac saen da residencia por vez primeira desde o mes de agosto.

Xa inmunizados, recuperan a liberdade que a pandemia lles quitou. Saúdan vellos coñecidos, toman algo, olen o mar teñen claro que a vacina pagou a pena.

Agora o seu desexo é que se vacine canto antes o resto do colectivo, as persoas con parálise que non viven en residencias, e poder pasear xuntos baixo un sol que xa sabe a primavera.