CRTVG

Buscar

Persecución policial do sospeitoso de regar con ácido dúas mulleres en Málaga

Publicado o 14/01/2021 14:50

Sorprendidos, os pasaxeiros doutros vehículos gravan unha perigosa persecución pola Costa do Sol. As forzas de seguridade písanlle os talóns ao coñecido como Melillero, o home sospeitoso de regar con ácido a súa exmoza e unha amiga desta.

Foi un radar o que localizou o vehículo do home e activouse un amplo dispositivo para dar con el. Conduciu de forma temeraria dende Málaga para evitar ser interceptado e mesmo conseguiu evitar un control en que estivo a punto de atropelar uns axentes.

A policía localizou o seu coche en Mijas e investigan agora onde se agocha o home. Búscano pola agresión do pasado martes na localidade de Cártama, cando lanzou ácido no interior do vehículo en que estaban as vítimas, que permanecen ingresadas en estado grave, pero o presunto autor do ataque, de 26 anos, ten numerosos antecedentes e xa había contra el outras ordes de busca e captura pendentes.

Noticias web

14/01/2021