O alcalde de Ourense, Pérez Jácome, quere construír na cidade o maior rañaceos de España. Tería 80 andares, cun mirador na cima, e acollería servizos públicos e zona residencial. Estaría situado nestes terreos, en Mariñamansa, dos que é propietario maioritario a Deputación.

Segundo o comunicado enviado polo Concello, os dous organismos irían da man neste proxecto. Consideran que o edificio podería converterse nun polo de atracción turística e económica. As actuais normas urbanísticas contemplan na zona a construción de 6 torres de 16 alturas polo que sería preciso cambios no PXOM.