A unión máis ambiciosa de concellos no período democrático en España está xa un pouco mais preto. As localidades estremeñas de Don Benito e Villanueva de la Serena poderían fusionarse a comezos do 2022.

Os alcaldes das dúas localidades reuníronse hoxe na Moncloa co presidente Sánchez, que lles mostrou o seu apoio e se comprometeu a axilizar os trámites no consello de ministros para aprobar a convocatoria en decembro deste ano.

Se se aproba en referendo no primeiro trimestre do ano que vén, algo que as enquisas dan por seguro, o novo municipio pasaría a ser o terceiro mais habitado e extenso de Estremadura, tras Cáceres e Badaxoz.