CRTVG

Buscar

Pasan a disposición xudicial os dous presuntos organizadores da festa ilegal montada nunha nave agrícola de Barcelona

Publicado o 04/01/2021 14:54

Os organizadores da festa montada na Noitevella nunha nave desocupada do concello barcelonés de Llinars del Vallés contaban que o evento rematase hoxe, pero a denuncia dos veciños da zona e a intervención policial acabaron poñéndolle fin anticipadamente o sábado pola mañá, tras horas de espera e de polémica.

No momento da actuación quedaban aínda no interior do edificio 214 persoas. Todas foron identificadas e levantóuselles acta de infracción, pero os que de entrada se enfrontan a penas máis graves son unha holandesa de 29 anos e un mozo de Tarragona de 22. Os dous son considerados responsables da festa e son tamén por iso os primeiros en pasar a disposición xudicial.

Pero hai outras cinco persoas máis imputadas tamén como presuntas organizadoras e por desobediencia grave. Amais da sanción pola organización do evento ilegal, poderían enfrontarse a penas de 600.000 euros por un delito contra a saúde pública por non cumprir coas normas anticovid canto ás máscaras ou a distancia de seguridade.

A patronal do ocio nocturno en Cataluña anunciou hoxe a súa intención de exercer como acusación particular.

Noticias web

04/01/2021