Preséntase un partido crucial este domingo para os intereses do Celta. Enfrontamento contra un rival directo ao que interesa deixar con terra de por medio. Os vigueses visitan o pechacancelas: o Leganés. A esta hora a grande icógnita está na portería. Rubén adestrouse con aparente normalidade. Podería recibir a alta médica nas vindeiras horas. Pape Cheikh asegura que o único que lle falta ao equipo para engalar son os goles: "Ao equipo dende que chegou Óscar só lle faltan os goles porque vexo o equipo bastante ben en todas as fases e os goles estou seguro quen van chegar", di o mediocentro

Pape, que vén sendo titular dende a chegada do novo técnico, recoñece que os encontros contra equipos pechados coma o Leganés lles están a resultar complicados: "Son equipos que se meten atrás defendendo para atacar. Si que é máis complicado xogar con eses equipos, pero creo que aprendemos iso do partido co Valladolid e o domingo non creo que isto nos pase. Chegaremos con moitas máis ganas e estou seguro que imos sacar os tres puntos"