O exvicepresidente segundo do Goberno Pablo Iglesias reapareceu este martes en redes sociais cunha mensaxe dirixida ao bloque socialista no Goberno para reclamar que se cumpra co acordo de coalición asinado con Unidas Podemos e se poñan en marcha "cambios normativos" que permitan baixar o prezo da factura da luz.

Escribiuno na súa conta de Twitter, que levaba sen usar desde que decidiu apartarse da vida política salvo para rechouchiar temas de actualidade e sobre o seu partido. “O acordo de Goberno asinado entre o PSOE e UP foi claro: baixar a factura da luz facendo os cambios normativos necesarios para acabar coa sobrerretribución”, pronunciouse Iglesias sobre as subidas históricas da luz durante este mes de agosto. Non hai maior lealdade ao Goberno que esixir que se cumpra o acordo de Goberno", escribe Iglesias, quen deixou a política tras as eleccións de maio na Comunidade de Madrid e non participou estes meses en eventos públicos.