O rapeiro catalán Pablo Rivadulla, coñecido como Pablo Hasel, pechouse esta mañá no reitorado da Universidade de Lleida coa intención de evitar o ingreso en prisión.

Hasel tiña que entrar voluntariamente na cadea hai tres días para cumprir a condena de dous anos e catro meses por enaltecemento do terrorismo imposta pola Audiencia Nacional, pero o rapeiro négase a ingresar en prisión e desde a plataforma que o apoia fíxose un chamamento para acompañalo no seu encerro.