Os 105.000 habitantes da cidade de Ourense terán un alivio nas restricións pola covid a partir do sábado, despois de rexistrar unha notable mellora nas incidencias.

A terceira cidade de Galicia emprende a costa abaixo da curva da covid, e a partir do sábado con máis folgura para o comportamento social. O certificado será obrigatorio para os locais de ocio nocturno, que reabre, pero xa non en restaurantes e cafeterías, que amplían ocupación. Moitos cidadáns piden cautela e aprender da experiencia da quinta onda, que moitos vían chegar.

Agora permitiranse reunións de non conviventes ata as tres da mañá, pero o número segue limitado a 6 en interior e 10 en exteriores. Dende a área sanitaria lembran que os hospitais aínda tardarán unha semana en aliviar presión e piden seguir cumprindo os protocolos. Prudencia, hixiene de mans, distanciamento e máscara, en especial nas reunións con non conviventes.