O Tribunal Superior de Xustiza de Galicia celebra hoxe a vista de apelación polo coñecido como crime da Estrela. O condenado por matar a súa muller na rúa da Estrela, na Coruña, en xullo de 2018, cumpre 20 anos de cárcere por homicidio.

Na sentenza, a Audiencia tivo en conta as agravantes de parentesco e xénero e a atenuante de confesión, xa que o home chamou o 112 para confesar que degolara a súa muller no domicilio que compartían. Durante o xuízo dixo que a matara porque ela mesma quería poñerlle fin á súa vida.