O presidente do Tribunal Superior de Xustiza de Galicia di que os xulgados galegos superaron a pandemia. Asegura que os órganos xudiciais resistiron ben a crise sanitaria, xa que as medidas implantadas permitiron evitar contaxios ao tempo que se avanzaba no uso das tecnoloxías.

Na presentación da memoria de actividade de 2020, José María Gómez y Díaz Castroverde subliñou que os tribunais galegos recibiron o ano pasado preto de 294.000 asuntos, un 11 por cento menos que en 2019. Con todo, xa se preparan polo previsible aumento de casos cando finalicen os ERTE.