Novas queixas no centro da Coruña, na contorna da praza de San Paulo, paralela á céntrica zona de Juan Flórez, pola presenza de ratas.

Contan que levan meses aturando este problema que cualifican como un foco de insalubridade e un auténtico perigo.

Amais, moitos veciños teñen constancia de que outros deixan alimentos na zona para os gatos da rúa e cren que isto tamén atrae os roedores.

Desde o Servizo de Medio Ambiente do Concello din que non lles consta este incidente. Aseguran que os técnicos municipais realizan inspeccións periódicas e que con frecuencia levan a cabo programas de desratización.