Nas Pontes, traballadores de Endesa e da industria auxiliar piden claridade sobre o futuro da empresa e dos seus empregos. Esta mañá concentráronse diante da central térmica para percorrer as rúas da vila ata a casa do concello.

A planta quedou paralizada polos elevados custos de emisión, pero os traballadores insisten na posibilidade de garantir o seu futuro co uso de biocombustibles.