Os traballadores  de Vestas continúa coas mobilizacións. Tratan de evitar o peche da factoría que deixaría 115 traballadores na rúa. Quedan 12 días para que o ere extintivo sexa efectivo.

 

Os traballadores organizaron hoxe unha procesión velorio para escenificar a posible morte da factoría de aeroxeneradores se non se busca unha solución antes de que remate a tramitación do expediente de regulación de emprego o próximo 28 de outubro e que afecta 115 traballadores da multinacional dinamarquesa. 

 

Os traballadores reclaman unha implicación das administracións públicas para buscar unha solución que evite o peche desta fábrica. Aseguran ademais que desconfían das alternativas que lles está a ofrecer a multinacional e que pasarían polo traslado dalgúns dos traballadores afectados polo ere a outras factorias que Vestas ten noutras localidades españolas. 

 

As mobilizacións seguirán esta fin de semana. O domingo en Viveiro haberá unha concentración polo futuro da industria da Mariña, unha comarca amezada polo ere de Vestas e o de Alcoa en Cervo.