Dos 174 traballadores cos que contaba a central das Pontes quedan hoxe entre 70 e 80 empregados, segundo datos da propia Endesa. A maior parte deles, un 60 %, acolléronse a prexubilizacións e o resto, a procesos de traslado a outros centros. Os traballadores denuncian que Endesa non está cumprindo os acordos pactados e que está levando a cabo un desmantelamento encuberto da planta.

A perda de emprego é ainda máis grave entre as compañías auxiliares que se ían ocupar do despezamento da central. Desde Endesa din que a cantidade de alegacións presentadas está retrasando a autorización para comezar cos traballos. O comité de empresa responde que se está destruindo emprego sen alternativas firmes.

A próxima semana haberá un novo encontro entre administracións e representantes dos traballadores para avanzar na principal demanda dos afectados. Unha transición xusta para unha comarca que pode perder, segundo un estudo da Universidade da Coruña, ata 1.500 empregos.