A metade da poboación afronta con medo estas primeiras saídas da casa, segundo un estudo da Universidade Europea. Os psicólogos envían unha mensaxe de tranquilidade, consideran que é lóxico sentir algún temor neste momento no que empezamos a recuperar a liberdade. 

"Son lóxicos e entendibles, porque estamos nunha situación nova e coma calquera situación nova xera este tipo de reaccións", asegura a psicóloga Almudena Campos.

Convida a asumir a preocupación como algo normal, que mesmo pode ser saudable para nós.

"Estes medos funcionan como certa protección para nós".

Recomenda aproveitar os paseos para adaptarse pouco a pouco á normalidade futura, comezando por saídas de pouco tempo.

Con todo, Almudena Campos di que se o malestar é continuo e interfire na vida cotia é bo momento para pedir axuda a un profesional.