Os irmáns Rial, propietarios do popular restaurante Casa Barqueiro de Negreira, criáronse nesta casa da parroquia de Gonte. Amantes do rural e da gandería, atoparon a maneira de conxugalo co seu oficio. Aliáronse con Xosé Caquelo, un gandeiro e tratante que herdou o oficio. El encárgase de seleccionar e comprar os exemplares que logo crian na leira familiar dos Rial.

E é que algúns como Mariano, este boi de raza rubia galega, fanse querer e déixanse mesmo acariñar.. Crían vacas e bois de distintas razas e aliméntanos de xeito natural, con fariña de millo, herba seca e pasto. Cébanos e sacrifican os que necesitan. Do pasto ao prato. Unha garantía total de trazabilidade.

E para que os clientes gocen tamén desta paisaxe e coñezan a procedencia da carne que van consumir, os irmáns Rial proxectan abrir un cenador nestes terreos.

A idea é inauguralo o 10 de agosto nun evento solidario a beneficio de Cáritas ao que está previsto asistan prestixiosos cociñeiros como Arzak, Berasategui ou Jordi Cruz.