A entrega deste saco de legumes supón un paso histórico para os produtores de faba de Lourenzá. Despois de 20 anos de selección e estudo, os científicos poñen en mans do sector semente rexistrada e libre de pragas da variedade Galaica.

O CSIC transfírelle en exclusiva as sementes á Cooperativa Terras da Mariña. Eles encargaranse de multiplicalas e vendelas aos produtores da IXP Faba de Lourenzá.

Nos campos de ensaio estas sementes amosaron a súa adaptación e resistencia a enfermidades, un altísimo índice de nascencia e un excelente comportamento na cocción. Características das que, seguro, saberán quitar partido os produtores da Faba de Lourenzá.