CRTVG

Buscar

Os presupostos e Cataluña acaparan a última sesión de control no Senado

Publicado o 19/02/2019 21:06

Hoxe foi a última sesión de control ao Goberno no Senado e xa en clave electoral. Precisamente, os comicios, a falta de apoio aos presupostos e a situación de Cataluña acapararon o debate entre Pedro Sánchez e o senadores.

Expectación ante a chegada de Pedro Sánchez á sesión de control ao Goberno do Senado. Era a derradeira da lexislatura e a primeira tras o anuncio das eleccións. Precisamente, dos comicios falouse, e moito, na sesión. Sanchez boutoulle en cara a Esquerra que tombaran os presupostos. Foi despois de que os catalanás o acusaran de romper o diálogo de forma unilateral.

A negociación cos independentistas e as eleccións tamén acapararon o debate entre o presidente do Goberno e o voceiro do PP.

Ao presidente do Goberno as críticas tamén lle chegaron de Unidos Podemos por "tirar a toalla cos presupostos". Sánchez respondeu que entendía que, agora, xa, en precampaña electoral, os que foran socios seus tomasen distancia.

Polo demais, os aplausos e os apupos foron dunha bancada a outra do hemiciclo en función de quen inteviña. O presidente da cámara alta tivo que pedir silencio en varias ocasións. Pío García Escudero acabou chamándolles a atención ás señorías polo balbordo formado cando o presiente de Goberno marchaba da sesión.




 

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

19/02/2019