Ao igual que en Galicia, en Portugal o prezo do combustible sobe cada vez máis. A diferenza é que alí aínda é mais caro por causa dos impostos, ata un 15% máis. Iso empúrraos a seguir cruzando a raia para repostar. 

Xa é un clásico o de ver coches portugueses nas estacións de servizo galegas repostando, pero é que  nas gasolineiras do outro lado da raia os prezos son agora mesmo os máis altos que se lembran en 4 anos. Neste 2021 a gasolina tivo 38 aumentos de prezo, gora está a 1,69€.

O diesel sufriu 35 subidas e está a 1 con 52 euros. Hoxe rexistrouse a última desas subidas. Portugal é dos países europeos con maior carga fiscal sobre os carburantes.