Última  xuntanza da mesa de partidos no Parlament para decidir como serán os actos de campaña e, sobre todo, como garantir a seguridade dos cidadáns que queiran asistir. Iso si, o Goberno catalán e a maioría dos partidos insisten en que o 14 de febreiro non é a mellor data.

Á espera de que o TSXC a confirme ou non, o Govern concreta medidas: non vacinará os membros das mesas pero facilitaralles EPI para a franxa de votación recomendada a illados e contaxiados. Os partidos acordan que os mitins estarán permitidos pero sen bicos, sen apertas e sen música. E hai consenso en non mobilizar simpatizantes que non sexan do propio municipio.

Será unha campaña insólita, sen visitas a mercados nin paseos polos barrios nin autofotos coa veciñanza. Os folletos, globos e caramelos con mensaxes electorais substituiranse por aplicacións móbiles. 

Con todo, os actos iniciais da campaña cumpriron coa tradición: a dos principais líderes acompañando o candidato.