33 anos despois do accidente nuclear de Chernobyl, os netos da catástrofe visitan Galicia. Son nenos que veñen convidados por familias galegas durante dous meses para gañar saúde. É ademais un intercambio cultural que hoxe fixo falar en ruso ao concello de Valdoviño.

Non viviron a catástrofe pero sofren as consecuencias porque naceron nunha terra contaminada. Novozybkov foi a provincia rusa máis afectada polo accidente de Chernobyl, e alí os niveles de radiación aínda son elevados.

Galicia é terra acolledora destes nenos dende hai 23 anos a través da asociación Ledicia Cativa. Este verán participan sesenta menores de entre 7 e 17 anos que hoxe se xuntaron na praia da Frouxeira, en Valdoviño. Gozan do verán, pero o máis importante é que frean os efectos da radiación acumulada. Segundo estudos que manexa a asociación dous meses co noso clima e alimentación aumenta a súa esperanza de vida en dous anos.

Alén dos beneficios en saúde, o intercambio cultural é tan intenso que atopamos a Maxim como experto no refraneiro galego.

Di Maxim "Dïxolle a pota á tixola"