Auguran que este pode ser o final da transición democrática no Sudán. O exército detivo o primeiro ministo, disolveu o Goberno e declarou o estado de emerxencia dous anos despois de ser derrocado o ditador Omar Hassan al-Bashir. Daquela, millóns de sudaneses saíran á rúa e agora volven facelo para mostrar o seu apoio ao Goberno, que acaba de ser disolto polos militares. As forzas armadas controlan as entradas e saídas á capital e cancelaron os voos internacionais. Os Estados Unidos chaman á restitución do Goberno civil e suspenderon unha partida de axuda ao país de 700 millóns de dólares.