En Galicia, podería estar escribíndose a última páxina da historia política de En Marea. O partido creado en 2016 para agrupar as forzas da denominada esquerda rupturista debate nestes momentos o seu futuro.

Sobre a mesa está a disolución da formación logo de que nos últimos anos foran caendo moitos dos seus principais actores. O plenario que se celebra desde primeira hora desta maña debate o futuro de En Marea como organización política tralo fracaso colleitado nas eleccións autonómicas, na que a coalición na que participaba, Marea Galeguista, obtivese o 0,22 por cento dos votos.

O debate está aberto nestes momentos. No caso de que os inscritos decidan continuar, En Marea convocaría un novo plenario para elixir novos órganos directivos.