EFE

O Comité Nacional de Paro (CNP), conformado por organizacións sociais e sindicais colombianas, asegurou que este martes está a darse unha desescalada dos bloqueos en Colombia como unha mostra de vontade dese organismo para negociar co Goberno tras 33 días de manifestacións.

O presidente da Federación Colombiana de Educadores ( Fecode), Nelson Alarcón, asegurou que os manifestantes fixeron unha "desescalada dos puntos de resistencia, como nós os chamamos", en polo menos 40 lugares de todo o país. "Grazas á desescalada, ás orientacións, á concertación (...) deuse esta circunstancia para que realmente o Goberno nacional hoxe non teña ningunha desculpa de dicir que non asina os preacordos", dixo Alarcón antes de reunirse co Executivo nun novo encontro co que se busca iniciar negociacións.