O sector da hostalería toma aire coas novas medidas de apertura. Cesáreo Pardal, presidente do Clúster do Turismo de Galicia afirma que se senten "congratulados de chegar a este endentemento". "O que queriamos era seguir traballando", insiste.

Os hostaleiros levaban tempo reclamando medidas que lles permitisen gañar estabilidade. Daniel Pardo, responsable do restaurante Tamboril de Santiago de Compostela di que "despois de todos estes meses de volta para arriba e para abaixo se isto nos dá estabilidade é positivo porque a regularidade é importante para planificar todo".

Na rúa a maioría aplaude o novo protocolo. Iso si, quen máis e quen menos é consciente da importancia da responsabilidade de cada un de nós.

Os hostaleiros confían en que este outono sexa o inicio da volta á normalidade.