Os carteis falan moi alto nesta protesta silenciosa dos hostaleiros de Nigrán. Obrigados a baixar os enreixados dos negocios polo peche perimetral, denuncian a criminalización dun sector que cumpriu todas as normas e non ve luz ao final do túnel.

Dáse o paradoxo de que non todo o Val Miñor está pechado perimetralmente. Nigrán e Gondomar si, pero os hostaleiros de Baiona non están suxeitos a restricións.

Todos eles coinciden en que o futuro non é moi alentador.

Tras a protesta nos tres concellos desta comarca de Pontevedra, os hostaleiros concentráronse na ponte da Ramallosa, para amosar que son moitos, pero aínda mais ca eles aos que o peche está a levar á ruína.

Un grito na rúa, o de "Salvemos a hostalería", que se multiplica estes días en toda Galicia.