A familia do mozo acoitelado esta fin de semana en Salceda, continúa á espera de que se completen os trámites para poder levar o corpo a Marrocos, onde será soterrado. No Centro Musulmán de Vigo, onde o están a velar, repítense as mostras de dor e de cariño de todos aqueles que coñecían a vítima e que queren arroupar os pais e os seus tres irmáns. Mentres, o único detido como presunto autor das coiteladas pasou xa a súa primeira noite no cárcere despois de prestar declaración nos xulgados do Porriño.