As autoridades dos Estados Unidos comezaron a deportar algúns dos haitianos acampados baixo unha ponte na fronteira con México. Uns 200 foron devoltos este domingo ao seu país de orixe en dous avións que despegaron de aeroportos texanos e agárdase que unha terceira aeronave faga nas próximas horas o mesmo traxecto con máis inmigrantes a bordo. A maioría dos deportados procedían de países latinoamericanos, como Chile ou Panamá, onde tiñan permiso de residencia legal.