O Goberno dos Estados Unidos acusou a empresa chinesa Huawei de fraude e espionaxe industrial. Ao mesmo tempo, o departamento de Xustiza estadounidense confirmou a petición de extradición da directora financeira de Huawei no Canadá por conspirar para saltar as sancións contra Irán. O maior fabricante de teléfonos intelixentes da China levaba tempo sendo investigada polas autoridades de Washington que lle prohibiron á compañía instalar os seus equipos de telecomunicacións en importantes redes de telecomunicacións estadounidenses.