CRTVG

Buscar

Os encoros do Miño-Sil sitúanse por enriba da media histórica

Publicado o 27/11/2019 13:57

Este outono tan húmido fixo medrar o nivel dos encoros da cunca Miño-Sil. O dos Peares está a máis do 95%, hai dous anos estaba ao 79%. A presa de Velle está 15 puntos por riba que nestas mesmas datas do ano pasado.

E é que no que levamos de ano hidrolóxico, dende o 1 de outubro, a precipitación acumulada na provincia de Ourense é de 404 litros por metro cadrado, un 50 por cento por riba da media histórica.

Mañá no Baixo Miño e na Limia poden chegar, segundo as previsións da Confederación Hidrográfica do Miño-Sil, a 40 litros por metro cadrado, polo que dende está oficina estarán atentos.

Chove sobre mollado, este ano podemos dicir que Galicia fai gala da súa fama.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

27/11/2019