Miles de edificios en Galicia deberán cambiar antes dun ano e medio o sistema de calefacción para adaptarse á nova normativa

O edificio de Esther, por exemplo, tiña un sistema de calefacción central, pero decidiron cambialo por medidores individuais. Un aforro económico e enerxético que a nova normativa impón como obrigatorio a aqueles edificios que aínda non teñan sistemas individualizados de calefacción.

O custo por radiador está entre os 60 ou 70 euros. O aforro estímase que pode ser superior ao 25 por cento da factura. 

O informe do instalador é o primeiro paso. En Galicia existen máis de 53.000 inmobles que deberán adaptarse.

Teñen de prazo arredor de ano e medio, se non as multas poden chegar aos 10.000 euros.