O candidato demócrata Jon Ossoff alzouse coa vitoria na segunda volta das eleccións de Xeorxia ao Senado, co que o partido do presidente electo, Joe Biden, terá o control da Cámara de Estados Unidos.

Segundo as proxeccións dos medios, Ossoff derrotou o seu rival republicano, David Perdue, despois de que o martes pola noite se confirmara a vitoria do seu correlixionario, o pastor Raphael Warnock, ante a republicana Kelly Loeffler.

Estas vitorias supoñen que os demócratas estarán empatados a 50 escanos cos republicanos no Senado, pero contarán co voto de calidade da vicepresidenta electa, Khamala Harris, na súa calidade de presidenta da cámara alta, en caso de empate.

Os republicanos viñan controlando o Senado desde 2015, pero con estas vitorias o partido de Biden terá maioría en ambas as cámaras do Congreso durante os dous primeiros anos do seu mandato.