Os comerciantes galegos reclaman que os ERTE sexan prorrogados ata finais de ano ou mesmo ata 2022. Din que a incerteza pola pandemia está a provocar que as vendas estean por debaixo do normal, e iso impídelles recuperar todo o persoal. 

Os comerciantes aseguran que, malia que a campaña das rebaixas está a aliviar lixeiramente a situación, o certo é que hai moitos negocios que corren o risco de ter que pechar as súas portas se non chega esa prórroga dos expedientes de regulación temporal do emprego. Din que a situación sanitaria, con ese aumento de casos de covid, provoca que aínda non haxa suficiente confianza para que se reactive o consumo, e que se non medra ese consumo non poden permitirse reincorporar os empregados que levan meses xa en ERTE.