CRTVG

Buscar

O ceo baléirase de avións

Publicado o 26/03/2020 09:05
O ceo baléirase de avións

Viaxes canceladas, fronteiras pechadas, avións en terra. Medio planeta está en corentena, e iso vese reflectido nunha caída de voos en todo o mundo, como amosa a páxina de rastrexo de tráfico aéreo Flightradar.

Nestes momentos, Europa é o continente coas maiores restricións. "Espazo aéreo sobre partes surorientales de Europa. 26 de febreiro vs. 25 de marzo", escribiu Flightradar na súa conta de Twitter.

Os datos non admiten comparativa. Ou si. Realizouna Eamonn Brennan, director xeral de Eurocontrol, tamén na súa conta nesta rede social. Nunha das imaxes pódese ver a circulación de avións hai un ano sobre Europa e na outra a do 24 deste mes. 

A páxina de voos en tempo real tamén tuiteou este martes que rexistrou o luns 95.227, "o número máis baixo de voos desde o 25 de decembro de 2016". "É tamén a primeira vez desde aquela que rexistramos menos de 100.000 voos nun día", tuiteou.

Na gráfica estatística de Flightradar pode verse claramente a abrupta caída da cantidade de voos no mundo.