Permaneceron pechados durante as últimas catro fins de semana e poderán abrir de novo este vindeiro sábado.

A apertura en fin de semana súmase á ampliación de horario de tarde, cuxo peche, desde o pasado xoves, está fixado para as nove e media da noite como máximo. Co levantamento das restricións agardan poder recuperar parte das vendas perdidas debido sobre todo ao peche perimetral dos últimos meses, como é o caso da cidade da Coruña.

Nestes momentos, os centros comerciais teñen limitada a ocupación ao 30 %, as zonas de descanso están pechadas e tampouco se pode permanecer nas zonas comúns agás para o tránsito entre tendas. Para saber se estas restricións se modifican ou non haberá que agardar á publicación no Diario Oficial de Galicia das medidas que entrarán en vigor o venres.