Os Mossos d'Esquadra cargaron usando as súas porras para conter a un grupo de persoas que quería saltar o cordón policial na terminal T1 do aeroporto do Prat de Barcelona, segundo imaxes difundidas por redes sociais.

Fontes policiais indicaron que foi unha acción de contención cara a un grupo de persoas que quixo exceder a liña policial.

Tsunami Democràtic chamou os seus seguidores para paralizar a actividade do aeroporto do Prat de Barcelona en resposta á sentenza e os accesos á devandita infraestrutura quedaron colapsados.

Centenares de persoas, algunhas con maletas, diríxense camiñando e correndo este luns pola estrada á terminal 1 do aeroporto de Barcelona-O Prat. Os accesos por estrada están colapsados desde as 14 horas deste luns.

O Sistema de Emerxencias Médicas (SEM) atendeu 13 persoas, 10 na Terminal 1. Aseguran que ningún dos feridos reviste gravedade, malia que dúas precisaron hospitalización.

 Vueling cancela 15 voos

Vueling cancelou polo momento 15 voos con saída desde o aeroporto do Prat debido ás protestas dos colectivos indepdentistas que tratan de colapsar os accesos ao recinto aeroportuario. Fontes da compañía aseguraron que esas protestas están dificultando a chegada das tripulacións das aeroliñas, de traballadores do propio aeroporto e de pasaxeiros. 

Ducias de efectivos da Unidade de Intervención da Policía (UIP), os antidisturbios, comezaron a despregarse no Prat, en Barcelona, e nas vías do AVE en Xirona, en apoio aos Mossos d'Esquadra ante as protestas. Grupos destas unidades tamén estan preparados nas cercanías da estación de Sants. 

En Xirona, o servicio ferroviario foi interrompido despois de que algúns manifestantes cortaran tanto a liña concencional como a de alta velocidade e, ademais, pintaron mensaxes de apoio á causa indepdendentista nun dos convois.

Os manifestantes que protestan pola sentenza do procés ocuparon ás 14:00 horas as vías do AVE tras eludir o dispositivo policial que protexía a estación e levantaron unha barricada para impedir a circulación.

Chamada á desobediencia

Os Comités de Defensa da República (CDR) fixeron este luns desde as redes sociais un chamamento á "desobediencia": "É a hora da revolta popular".

"A vosa sentenza será a vosa condena. É a hora de alzarnos contra o fascismo autoritario do Estado español e os seus cómplices", proclamaron os CDR desde a súa conta oficial en Twitter.

Xunto a un cartel en que aparece un puño alzado, os CDR chamaron a responder á sentenza do procés "con desobediencia, poder popular e república".

Na súa primeira convocatoria de protestas desde a publicación da sentenza, os CDR convocaron unha concentración ante a sede do Tribunal Superior de Xustiza de Cataluña (TSXC), baixo o lema "Sinalemos os represores, sinalemos a (in)xustiza".

Corte da AP-7 e do tráfico ferroviario en Xirona