Os contaxios activos por coronavirus volveron descender na última xornada, segundo datos do Sergas ás 18:00 deste domingo, e son 43 menos ca no día anterior. Nestes momentos hai 2.789 persoas con diagnóstico de covid-19 en Galicia.

Os novos contaxios foron 107, dos que 99 foron confirmados por proba PCR. E así volve reducirse a decteción de casos, xa que son 19 menos que os comunicados na xornada anterior.

Pola contra, sobe o número de persoas hospitalizadas, que nestes momentos son 176, 3 máis que as que había o sábado. Delas 139 están en planta, e 37 están nas Unidades de Coidados Intensivos, dúas máis das que había no anterior informe.

Ata o momento a pandemia causou 2.403 falecidos en Galicia, tras as dúas mortes comunicadas este domingo. 119.772 superaron a enfermidade dun total de 124.940 contaxiados.

Por áreas sanitarias, os casos descenden en practicamente todas, agás Ourense, cunha leve suba, metres que a de Vigo segue a ser que máis casos activos rexistra.

Vigo: 828 (-21)

A Coruña: 626 (-2)

Pontevedra: 426 (-26)

Santiago: 424 (-4)

Ourense: 223 (+2)

Lugo: 175 (-2)

Ferrol: 87 (=)