Galicia rexistra 321 casos activos este domingo, o que supón 13 máis con respecto aos datos do sábado. Así o confirma a última última actualización do Sergas. A área da Coruña segue a ser a que rexistra máis contaxios, con 118. Isto supón 11 máis ca onte e oito deles están relacionados co gromo de Meicende, en Arteixo. O abrocho de Vigo fai subir as cifras desta área sanitaria en 7 casos. Inverte novamente esta tendencia a área sanitaria de Lugo, onde baixan en catro o número de contaxiados.

A repartición dos casos activos por áreas sanitarias queda do seguinte xeito:

• A Coruña: 118

• Lugo: 70

• Ourense: 18

• Pontevedra: 25

• Vigo: 63

• Santiago: 25

• Ferrol: 2

No tocante ás hospitalizacións, 12 persoas continúan ingresadas e 1 permanece na UCI. Hai 308 ingresos domiciliarios. O número de falecidos continúa en 619. Ata o de agora realizáronse 253.196 probas PCR e a cifra de curados ascende a 11.302.