Os casos activos soben ata os 18.964, despois de que onte baixaran por primeira vez dende hai semanas. Son 95 máis con respecto á xornada anterior. Unha xornada máis os novos positivos mantéñense por riba do milleiro. Nas últimas horas detectáronse 1.300. 

E segue en medrando a presión nos hospitais con 4 ingresos máis nas UCI e 11 en planta. Hai 316 persoas ingresadas por mor da covid en Galicia.

As áreas que reportan máis contaxios diarios son Vigo (359), A Coruña (259), e Lugo (170). No outro extremos están Ferrol (44) e Ourense (78).

Na tarde do domingo Sanidade notificaba a morte de tres persoas que foran diagnosticadas coa covid e que tiñan patoloxías previas. Trátase dunha muller de 80 anos que morreu en POVISA e dous homes de 54 e 58 que faleceron no CHUVI e no CHUAC. Dende o inicio da pandemia morreron 2.464 persoas en Galicia.

Repartición dos casos activos por áreas sanitarias

Os casos activos soben nas áreas da Coruña, Vigo e Lugo e baixan en Ourense, Santiago, Pontevedra e Ferrol.

Vigo: 4.684 (+145)

A Coruña: 3.946 (+119)

Pontevedra: 2.947 (-68)

Santiago: 2.293  (-31)

Ourense: 1.871 (-112)

Lugo: 2.266 (+48)

Ferrol: 957 (-6)