Finalmente haberá debate entre os dous candidatos a liderar o Partido dos Socialistas de Galicia. Gonzalo Caballero e Valentín González Formoso defenderán o seu proxecto o próximo mercores na sede do partido en Compostela. Queda por fixar hora e moderador, pero o debate será transmitido por Internet.

Caballero levaba varios días acusando o seu contrincante nas primarias de buscar escusas para adiar un debate ao que están obrigados polas normas do partido. Formoso pedira que non interferise con actos de campaña xa programados.